pahle honaa thaa aaina dil ko — Kazim Rizvi

teri tarah zabaan ke kuchh tez ham bhi hain
par masala ye hai ki adab jaante hain ham

us ke siyaah nain ki jaa kar nazar utaar
maare hasad ke chuur huiin surma-daaniyaan

shaayad vo is binaa pe hamein bakhsh de ki ham
kaafir bane rahe pa munaafiq nahin hue

chalo maanaa ki khvaabon mein miloge
magar tum bin kise niind aa rahi hai

log meri ghazlon mein tum ko DhunD lete hain
she'r-o-shaa'iri kab hai daastaan tumhaari hai

mashhur ho chuki hai kisi ke labon ki baat
akhbaar-e-dil-baraan ki sabhi surkhiyaan paDho

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

dil par pahan liyaa hai vo gajre ke jaisaa shakhs
lekin gale kaa haar nahin kar rahaa huun main

botalein khol kar to pi barson
aaj dil khol kar bhi pi jaae

kunj-e-hairat se chale dasht-e-ziyaan tak laae
kaun laa saktaa hai ham dil ko jahaan tak laae

tum ne kyuun dil mein jagah di hai buton ko 'saabir'
tum ne kyuun kaaba ko but-khaana banaa rakkhaa hai