main ghar ko phunk rahaa thaa baDe yaqin ke saath — Akhtar Shumar

main to is vaaste chup huun ki tamaashaa na bane
tu samajhtaa hai mujhe tujh se gilaa kuchh bhi nahin

ab to haathon se lakirein bhi miTi jaati hain
us ko kho kar to mire paas rahaa kuchh bhi nahin

abhi safar mein koi moD hi nahin aayaa
nikal gayaa hai ye chup-chaap daastaan se kaun

muddaton mein aaj dil ne faisla aakhir diyaa
khub-surat hi sahi lekin ye duniyaa jhuuT hai

vo muskuraa ke koi baat kar rahaa thaa 'shumaar'
aur us ke lafz bhi the chaandni mein bikhre hue

tu ne ek umr ke baa'd puchhaa hai haal-e-dil
vahi dard-o-gham vahi hasratein mire saath hain

apni anaa ki aaj bhi taskin ham ne ki
ji bhar ke us ke husn ki tauhin ham ne ki

kyon tasavvur mein ji rahaa huun main
jab haqiqat mein mar hi jaanaa hai

ik faqat yaad hai jaanaa un kaa
aur kuchh is ke sivaa yaad nahin

'shujaa' vo khairiyat puchhein to hairat mein na paD jaanaa
pareshaan karne vaale khair-khvaahon mein bhi hote hain

un baaton par mat jaanaa jo 'aam huiin
dekho kitni sachchaai hai aankhon mein

talaatum aarzu mein hai na tufaan justuju mein hai
javaani kaa guzar jaanaa hai dariyaa kaa utar jaanaa