vo gali ham se chhuTti hi nahin — Khalid Ahmad

tark-e-taalluqaat pe royaa na tu na main
lekin ye kyaa ki chain se soyaa na tu na main

qumqumon ki tarah qahqahe jal bujhe
mez par chaae ki pyaaliyaan rah gaiin

phuul se baas judaa fikr se ehsaas judaa
fard se TuuT gae fard qabile na rahe

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

kahaan milegi misaal meri sitamgari ki
ki main gulaabon ke zakhm kaanTon se si rahaa huun

'azfari' ghuncha-e-dil band aur aai hai bahaar
sair-e-gul ko ki ye shaayad ba-takalluf khil le

bulbul ko baaghbaan se na sayyaad se gila
qismat mein qaid likkhi thi fasl-e-bahaar mein

tikhe to ho pa sach kaho us vaqt kyaa karo
tum ko gale lagaa le agar pyaar se koi