abas hai un se ik chiDiyaa ke bachche ki vilaadat bhi — Khalid Irfan

kaisaa ajiib aayaa hai is saal kaa bajaT
murghi kaa jo bajaT hai vahi daal kaa bajaT

jo tum parfum mein Dupki lagaa kar roz aati ho
fazaa tum se moattar hai havaa mein kuchh nahin rakkhaa

jo lughat ko toD-maroD de jo ghazal ko nasr se joD de
main vo bad-mazaaq-e-sukhan nahin vo jadidiyaa koi aur hai

election phir vo zil-hijj ke mahine mein karaaeinge
to kyaa do daant ke voter ki phir qurbaaniyaan hongi

main ne bas itnaa hi likhaa i-love-you aur phir
us ne aage kar diyaa thaa gaal internet par

do chaar din se meri samaaat block thi
tum ne ghazal paDhi to miraa kaan khul gayaa

main baDaa ho gayaa huun magar bachpanaa
mere dil se kabhi bhi gayaa hi nahin

jab chali ThanDi havaa bachcha ThiThur kar rah gayaa
maan ne apne laal ki takhti jalaa di raat ko

aaj-kal to sab ke sab Tv ke divaane hue
varna bachche to liyaa karte the paagal ke maze

vasl ko maan ke taraste hain mire bachche bhi
kaifiyat hijr ki mujh par hi nahin taari hai

khayaali doston ke aks se kheloge kab tak
mere bachche kabhi mil lo bhare ghar mein kisi se

mujhe Thukraa diyaa tu ne faqat shaair samajh kar aaj
miri nazmein tire bachche syllabus mein paDhein to phir