kisi khayaal kaa koi vajud ho shaayad — KHalid Malik Sahil

guzar rahi hai jo dil par vahi haqiqat hai
gham-e-jahaan kaa fasaana gham-e-hayaat se puchh

chamak rahe the andhere mein soch ke jugnu
main apni yaad ke kheme mein so nahin paayaa

junun kaa koi fasaana to haath aane do
main ro paDungaa bahaana to haath aane do

ham log to akhlaaq bhi rakh aae hain 'saahil'
raddi ke isi Dher mein aadaab paDe the

khvaab dekhaa thaa mohabbat kaa mohabbat ki qasam
phir isi khvaab ki taabir mein masruf thaa main

main tamaashaa huun tamaashaai hain chaaron jaanib
sharm hai sharm ke maare nahin ro saktaa main

main baDaa ho gayaa huun magar bachpanaa
mere dil se kabhi bhi gayaa hi nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

'saif' andaaz-e-bayaan rang badal detaa hai
varna duniyaa mein koi baat nai baat nahin

aa andalib mil ke karein aah-o-zaariyaan
tu haae gul pukaar main chillaaun haae dil

bachegaa na kaavish se mizhgaan ki dil
ki nashtar bahut aabla ek hai

laala-ruyon se kab faraagh rahaa
ik na ik gul kaa dil pe daagh rahaa