raat baaqi thi jab vo bichhDe the — Khumar Barabankavi

gham hai na ab khushi hai na ummid hai na yaas
sab se najaat paae zamaane guzar gae

ham pe guzraa hai vo bhi vaqt 'khumaar'
jab shanaasaa bhi ajnabi se mile

na to hosh se taaaruf na junun se aashnaai
ye kahaan pahunch gae hain tiri bazm se nikal ke

ye kahnaa thaa un se mohabbat hai mujh ko
ye kahne mein mujh ko zamaane lage hain

phuul kar le nibaah kaanTon se
aadmi hi na aadmi se mile

dushmanon se pashemaan honaa paDaa hai
doston kaa khulus aazmaane ke baad

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

intizaar aur dastakon ke darmiyaan kaTti hai umr
itni aasaani se to baab-e-hunar khultaa nahin

kaTi hai jis ke khayaalon mein umr apni 'munir'
mazaa to jab hai ki us shokh ko pataa hi na ho

haadse nahin hue ki tajraba nahin huaa
mukhtasar si zindagi mein kyaa se kyaa nahin huaa