ho rihaai zoaf ke taasir se — Khwaja Mohammad Wazir

yaar tanhaa ghar mein hai afsos lekin ham nahin
huur to hai gulshan-e-firdaus mein aadam nahin

phir vahi ham the vahi tum the mohabbat the vahi
sulh kar lete agar aankhein laDaane ke liye

yuun phir rahe hain jaise koi baat hi nahin
aaluda mere khuun se daamaan kiye hue

silsila rakhtaa hai meraa kufr kuchh islaam se
hain kai tasbih ke daane miri zunnaar mein

haath dikhlaa ke ye bolaa vo musalmaan-zaada
ho gayaa dast-e-nigar ab to barahman apnaa

sar miraa kaaT ke pachhtaaiyegaa
kis ki phir jhuTi qasam khaaiyegaa

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

ye teraa gulistaan teraa chaman kab meri navaa ke qaabil hai
naghma miraa apne daaman mein aap apnaa gulistaan laataa hai

chaman mein shiddat-e-dard-e-numud se ghunche
taDap rahe hain magar muskuraae jaate hain

raaz-e-gham-e-ulfat ko ye duniyaa na samajh le
aansu mire daaman mein tumhaare bhi mile hain