gham huaa meri zindagi kaa madaar — Krishn Gopal Maghmum

meri aaankhon mein kisi ne nahin dekhe aansu
phir bhi ye sach hai ki giryaan huun hamesha ki tarah

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

ai inqalaab-e-nau ke ujaale kahaan hai tu
saDkon pe mere shahr ki kab tak dhuaan rahe

jab khudaa bhi nahin thaa saath mare
mujh pe biiti hai aisi tanhaai

abhi tak fasl-e-gul mein ik sadaa-e-dard aati hai
vahaan ki khaak se pahle jahaan thaa aashiyaan meraa