baandh ke ahd-e-vafaa log chale jaate hain — Latif Shah Shahid

khud apne aap se rahtaa hai aadmi naaraaz
udaasiyon ke bhi apne mizaaj hote hain

mujh se to koi taaj-mahal bhi na ban sakaa
be-naam dil ki qabr mein dafnaa diyaa tujhe

chhiDkaa gayaa hai zahr fazaaon mein is tarah
maaon ne apni kokh se buDhe janam diye

gardish-e-ayyaam se chalti hai nabz-e-kaaenaat
vaqt kaa pahiya rukaa to zindagi ruk jaaegi

taaza havaa kharidne aate hain gaanv mein
'shaahid' shahar ke log bhi kaise ajiib hain

ye aur baat ki tu do qadam pe bhuul gayaa
hamein to hashr talak teraa intizaar rahaa

is qadar musalsal thiin shiddatein judaai ki
aaj pahli baar us se main ne bevafaai ki

kuchh to majburiyaan rahi hongi
yuun koi bevafaa nahin hotaa

mere baa'd vafaa kaa dhokaa aur kisi se mat karnaa
gaali degi duniyaa tujh ko sar meraa jhuk jaaegaa

ye jafaaon ki sazaa hai ki tamaashaai hai tu
ye vafaaon ki sazaa hai ki pae-daar huun main

apni kashti kaa hai khudaa haafiz
pichhe tufaan hai saamne girdaab

taazgi hai sukhan-e-kuhna mein ye baad-e-vafaat
log aksar mire jiine kaa gumaan rakhte hain