phir murattab kiye gae jazbaat — Liaqat Jafri

main dauD dauD ke khud ko pakaD ke laataa huun
tumhaare ishq ne bachchaa banaa diyaa hai mujhe

main bahut jald lauT aaungaa
tum miraa intizaar mat karnaa

mire qabile mein taalim kaa rivaaj na thaa
mire buzurg magar takhtiyaan banaate the

jahaan jo thaa vahin rahnaa thaa us ko
magar ye log hijrat kar rahe hain

meri jaanib na baDhnaa ab mohabbat
main ab pahle se mushkil raastaa huun

ishq tu ne baDaa nuqsaan kiyaa hai meraa
main to us shakhs se nafrat bhi nahin kar saktaa

sabhi se jab mohabbat chaahte ho
mohabbat kyon nahin karte sabhi se

kisi se ishq apnaa kyaa chhupaaein
mohabbat Tapki paDti hai nazar se

husn jalva dikhaa gayaa apnaa
ishq baiThaa rahaa udaas kahin

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi

main to miTTi ho rahaa thaa ishq mein lekin 'ataa'
aa gai mujh mein kahin se be-dimaaghi 'mir' ki