jis maulvi ko aage paDhaanaa thaa meraa aqd — Machis Lakhnavi

vaaiz ne mujh mein dekhi hai imaan ki kami
vaaiz mein sirf dum ki kasar dekhtaa huun main

DhunDiye khair se jaa kar koi moTi sasuraal
haath jo muft mein aae to vo maal achchhaa hai

hukm begam ke chalaa karte hain jelar ki tarah
ab miraa ghar bhi mujhe jail huaa jaataa hai

aur to kuchh bhi nahin hazrat-e-'maachis' lekin
aap mein aag lagaane kaa kamaal achchhaa hai

buton par main agar maail huun vo huron pe maail hain
janaab-e-shaikh mein bhi ye himaaqat paai jaati hai

nazm-e-jahaan ko zer-o-zabar dekhtaa huun main
maada ke ikhtiyaar mein nar dekhtaa huun main

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

na aae mere honTon tak jo paimaana nahin aataa
miri khuddaariyon ko haath phailaanaa nahin aataa

ham ne duniyaa se suluk aisaa kiyaa hai 'raanaa'
ham na honge to bahut yaad karegi duniyaa

hans hans ke kah rahaa hai jalaanaa savaab hai
zaalim ye meraa dil hai charaagh-e-haram nahin

us ki bhi miri tarah thi ik apni kahaani
us ko bhi nibhaanaa paDaa kirdaar mujhe bhi