duniyaa se haT ke ik nai duniyaa banaa sakein — Mahesh Chandra Naqsh

yuun guzarte hain hijr ke lamhe
jaise vo baat karte jaate hain

kis tarah karein tujh se gila tere sitam kaa
madhosh ishaaron ne bhi dil toD diyaa hai

tasvir-e-zindagi mein nayaa rang bhar gae
vo haadse jo dil pe hamaare guzar gae

is Dubte suraj se to ummid hi kyaa thi
hans hans ke sitaaron ne bhi dil toD diyaa hai

aghyaar kaa shikva nahin is ahd-e-havas mein
ik umr ke yaaron ne bhi dil toD diyaa hai

kaun samjhe ham pe kyaa guzri hai 'naqsh'
dil laraz uThtaa hai zikr-e-shaam se

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

ab bhi barsaat ki raaton mein badan TuTtaa hai
jaag uThti hain ajab khvaahishein angDaai ki

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

apni khvaahish mein jo bas gae hain vo divaar-o-dar chhoD dein
dhuup aankhon mein chubhne lagi hai to kyaa ham safar chhoD dein

main dekhtaa huun faraaz-e-junun se duniyaa ko
ki sahal bhi nahin shaayaan-e-aarzu honaa

mujh ko sukun ki chain ki pazhmurdagi se kyaa
har roz ek taaza qayaamat ki aarzu