is Dubte suraj se to ummid hi kyaa thi — Mahesh Chandra Naqsh

yuun guzarte hain hijr ke lamhe
jaise vo baat karte jaate hain

kis tarah karein tujh se gila tere sitam kaa
madhosh ishaaron ne bhi dil toD diyaa hai

tasvir-e-zindagi mein nayaa rang bhar gae
vo haadse jo dil pe hamaare guzar gae

aghyaar kaa shikva nahin is ahd-e-havas mein
ik umr ke yaaron ne bhi dil toD diyaa hai

yuun ruuTh ke jaane pe main khaamosh huun lekin
ye baat mire dil ko gavaaraa to nahin hai

kaun samjhe ham pe kyaa guzri hai 'naqsh'
dil laraz uThtaa hai zikr-e-shaam se

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

shokhi se har shagufe ke TukDe uDaa diye
jis ghunche par nigaah paDi dil banaa diyaa

vasl us kaa khudaa nasib kare
'mir' dil chaahtaa hai kyaa kyaa kuchh

kyuun gardish-e-mudaam se ghabraa na jaae dil
insaan huun piyaala o saaghar nahin huun main

kaash dekho kabhi TuuTe hue aainon ko
dil shikasta ho to phir apnaa paraayaa kyaa hai