yuun guzarte hain hijr ke lamhe — Mahesh Chandra Naqsh

kis tarah karein tujh se gila tere sitam kaa
madhosh ishaaron ne bhi dil toD diyaa hai

tasvir-e-zindagi mein nayaa rang bhar gae
vo haadse jo dil pe hamaare guzar gae

is Dubte suraj se to ummid hi kyaa thi
hans hans ke sitaaron ne bhi dil toD diyaa hai

aghyaar kaa shikva nahin is ahd-e-havas mein
ik umr ke yaaron ne bhi dil toD diyaa hai

yuun ruuTh ke jaane pe main khaamosh huun lekin
ye baat mire dil ko gavaaraa to nahin hai

kaun samjhe ham pe kyaa guzri hai 'naqsh'
dil laraz uThtaa hai zikr-e-shaam se

vasl par dil hi kisi kaa na ho maail jab tak
hijr ki puuri zarurat nahin ki jaa sakti

sabr hijraan mein kare 'kaifi'-e-mahzun kab tak
aakhir ai dost koi hadd-e-shakebaai hai

dil ki zamin par miri 'ishq hai dasht-e-daaimi
hijr-o-visaal sab ke sab mausamiyaati haadse

kyaa jaaniye ki vasl tiraa kis ko ho nasib
ham to tire firaaq mein ai yaar mar gae

mohabbat, hijr, nafrat mil chuki hai
main taqriban mukammal ho chukaa huun

kyaa kahein apni siyah-bakhti hi kaa andher hai
varna sab ki hijr ki raat aisi kaali bhi nahin