apni ammi ko mohabbat se jo dekhaa main ne — Mahfooz Mohammad

qayaadat phir se paane ko hai ye allaama kaa nuskha
sabaq paDh le adaalat ke sadaaqat ke shujaaat ke

kidhar nishaana lagaa rahe ho kahaan nigaahein Tiki hui hain
ye kaise pakDi hui hai tum ne kamaan tumhaari muDi hui hai

mujhe tum se ulajhnaa hai kisi din
bahut se masale suljhaa sakungaa

kyaa kahaa khushbuein luTaataa huun
main tiri haan mein haan milaataa huun

tumhaare saath hone se mujhe taskin milti hai
mire hamdam mire dilbar hamaare saath rahnaa tum

fazaaon mein mohabbat gholtaa huun
main hindi huun main urdu boltaa huun

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

phir nahin mere sivaa koi bhi hotaa teraa
tu agar jaan ye jaataa ki mohabbat kyaa hai

achchhi-khaasi dosti thi yaar ham donon ke biich
ek din phir us ne izhaar-e-mohabbat kar diyaa

chaahiye hai mujhe inkaar-e-mohabbat mire dost
lekin is mein tiraa inkaar nahin chaahiye hai

bhari duniyaa mein faqat mujh se nigaahein na churaa
ishq par bas na chalegaa tiri daanaai kaa