tumhaare saath hone se mujhe taskin milti hai — Mahfooz Mohammad

apni ammi ko mohabbat se jo dekhaa main ne
puuri jannat miri aankhon mein simaT aai hai

qayaadat phir se paane ko hai ye allaama kaa nuskha
sabaq paDh le adaalat ke sadaaqat ke shujaaat ke

kidhar nishaana lagaa rahe ho kahaan nigaahein Tiki hui hain
ye kaise pakDi hui hai tum ne kamaan tumhaari muDi hui hai

mujhe tum se ulajhnaa hai kisi din
bahut se masale suljhaa sakungaa

kyaa kahaa khushbuein luTaataa huun
main tiri haan mein haan milaataa huun

fazaaon mein mohabbat gholtaa huun
main hindi huun main urdu boltaa huun

main baDaa ho gayaa huun magar bachpanaa
mere dil se kabhi bhi gayaa hi nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

'saif' andaaz-e-bayaan rang badal detaa hai
varna duniyaa mein koi baat nai baat nahin

mujh se to koi taaj-mahal bhi na ban sakaa
be-naam dil ki qabr mein dafnaa diyaa tujhe

ye dil ki zard paDaa thaa kai zamaanon se
main teraa naam liyaa aur bahaar aa gai hai

nigah uThi to zamaane ke saamne tiraa ruup
palak jhuki to mire dil ke ru-ba-ru tiraa gham