baat karnaa hai karo saamne itraao nahin — Majid

lohe aur patthar ki saari tasvirein miT jaaeingi
kaaghaz ke parde par ham ne sab ke ruup jamaae hain

qarib dekh ke us ko ye baat kis se kahun
khayaal dil mein jo aayaa gunaah jaisaa thaa

mujhi se puchh rahaa thaa miraa pataa koi
buton ke shahr mein maujud thaa khudaa koi

biis baras se ik taare par man ki jot jagaataa huun
divaali ki raat ko tu bhi koi diyaa jalaayaa kar

sukhe patte sab ikaTThe ho gae hain
raaste mein ek divaar aa gai hai

honT ki surkhi jhaank uThti hai shishe ke paimaanon se
miTTi ke bartan mein paani pi kar pyaas bujhaayaa kar

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kyon tasavvur mein ji rahaa huun main
jab haqiqat mein mar hi jaanaa hai

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa

hogaa koi aisaa bhi ki 'ghaalib' ko na jaane
shaair to vo achchhaa hai pa badnaam bahut hai

dil kaa dukh jaanaa to dil kaa masala hai par hamein
us kaa hans denaa hamaare haal par achchhaa lagaa