hogaa koi aisaa bhi ki 'ghaalib' ko na jaane — Mirza Ghalib

phir usi bevafaa pe marte hain
phir vahi zindagi hamaari hai

umr bhar dekhaa kiye marne ki raah
mar gae par dekhiye dikhlaaein kyaa

saadgi o purkaari be-khudi o hushyaari
husn ko taghaaful mein jurat-aazmaa paayaa

girni thi ham pe barq-e-tajalli na tuur par
dete hain baada zarf-e-qadah-khvaar dekh kar

naakaami-e-nigaah hai barq-e-nazaaraa-soz
tu vo nahin ki tujh ko tamaashaa kare koi

marte hain aarzu mein marne ki
maut aati hai par nahin aati

kyon tasavvur mein ji rahaa huun main
jab haqiqat mein mar hi jaanaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

kuchh arz-e-tamannaa mein shikva na sitam kaa thaa
main ne to kahaa kyaa thaa aur aap ne kyaa jaanaa