dil kaa dukh jaanaa to dil kaa masala hai par hamein — Ahmad Faraz

sunaa hai log use aankh bhar ke dekhte hain
so us ke shahr mein kuchh din Thahar ke dekhte hain

TuuTaa to huun magar abhi bikhraa nahin 'faraaz'
mere badan pe jaise shikaston kaa jaal ho

'faraaz' ishq ki duniyaa to khub-surat thi
ye kis ne fitna-e-hijr-o-visaal rakkhaa hai

judaaiyaan to muqaddar hain phir bhi jaan-e-safar
kuchh aur duur zaraa saath chal ke dekhte hain

zindagi teri ataa thi so tire naam ki hai
ham ne jaise bhi basar ki tiraa ehsaan jaanaan

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

miyaan baazaar ko sharminda karnaa kyaa zaruri hai
kahin is daur mein tahzib ke zevar badalte hain

jab tujhe bhulnaa chaahaa dil ne
ik nae gham ki sazaa di ham ne

buton mein koi bhalaai bhi hai sivaae sitam
buraa ho teraa dil-e-naa-sazaa kidhar aayaa

dil ki baatein dusron se mat kaho luT jaaoge
aaj kal izhaar ke dhandhe mein hai ghaaTaa bahut