khudaa ke naam pe kyaa kyaa fareb dete hain — Mansoor Usmani

haalaat kyaa ye tere bichhaDne se ho gae
lagtaa hai jaise ham kisi mele mein kho gae

aankhon se mohabbat ke ishaare nikal aae
barsaat ke mausam mein sitaare nikal aae

mujh se dilli ki nahin dil ki kahaani suniye
shahr to ye bhi kai baar luTaa hai mujh mein

jahaan jahaan koi urdu zabaan boltaa hai
vahin vahin miraa hindostaan boltaa hai

apni taarif suni hai to ye sach bhi sun le
tujh se achchhaa tiraa kirdaar nahin ho saktaa

shabnam ki jagah aag ki baarish ho magar ham
'mansur' na maangeinge duaa aur tarah ki

adaavatein thin, taghaaful thaa, ranjishein thiin bahut
bichhaDne vaale mein sab kuchh thaa, bevafaai na thi

yaqin un ke vaade pe laanaa paDegaa
ye dhokaa to daanista khaanaa paDegaa

dhoka hai ik fareb hai manzil kaa har khayaal
sach puchhiye to saaraa safar vaapsi kaa hai

tu bevafaa hai tiraa e'tibaar kaun kare
tamaam umr tiraa intizaar kaun kare

har dil-fareb chiiz nazar kaa ghubaar hai
aankhein hasin hon to khizaan bhi bahaar hai

dil vo kaafir hai ki mujh ko na diyaa chiin kabhi
bevafaa tu bhi use le ke pashemaan hogaa