adaavatein thin, taghaaful thaa, ranjishein thiin bahut — Naseer Turabi

shahr mein kis se sukhan rakhiye kidhar ko chaliye
itni tanhaai to ghar mein bhi hai ghar ko chaliye

tujhe kyaa khabar mire be-khabar miraa silsila koi aur hai
jo mujhi ko mujh se baham kare vo gurez-paa koi aur hai

ye ruuh raqs-e-charaaghaan hai apne halqe mein
ye jism saaya hai aur saaya Dhal rahaa hai miyaan

usi ne mujh pe uThaae hain sang jis ke liye
main paash paash huaa ghar nigaar-khaana huaa

milne ki tarah mujh se vo pal bhar nahin miltaa
dil us se milaa jis se muqaddar nahin miltaa

ye havaa saare charaaghon ko uDaa le jaaegi
raat Dhalne tak yahaan sab kuchh dhuaan ho jaaegaa

sab se baDaa fareb hai khud zindagi 'adaa'
is hila-ju ke saath hain ham bhi bahaana-saaz

dil ke aaine mein jab aap ki surat dekhi
jis ko dhokaa main samajhtaa thaa vo dhokaa bhi gayaa

zakhm bhi ab hasin lagte hain
tere haathon fareb khaane par

chaman ke rang-o-bu ne is qadar dhokaa diyaa mujh ko
ki main ne shauq-e-gul-bosi mein kaanTon par zabaan rakh di

baa-vafaa thaa to mujhe puchhne vaale bhi na the
be-vafaa huun to huaa naam bhi ghar ghar meraa

kis ne vafaa ke naam pe dhokaa diyaa mujhe
kis se kahun ki meraa gunahgaar kaun hai