gham sivaa ishq kaa maaal nahin — Mardan Ali Khan Rana

rasm ulTi hai khub-ruyon ki
dost jis ke bano vo dushman hai

ki riyaa se na shaikh ne tauba
mar gayaa vo gunaahgaar afsos

tere aate hi dekh raahat-e-jaan
chain hai sabr hai qaraar hai aaj

jis ko dekho vo nuur kaa buqa
ye paristaan hai ki london hai

pyaar ki baatein kijiye saahab
lutf sohbat kaa guftugu se hai

diyaa vo jo na thaa vahm-o-gumaan mein
bhalaa main aur kyaa maangun khudaa se

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

lams-e-sadaa-e-saaz ne zakhm nihaal kar diye
ye to vahi hunar hai jo dast-e-tabib-e-jaan mein thaa

phir is ke baa'd patthar ho gayaa aaankhon kaa paani
jab apne gham mein rone se kiyaa inkaar main ne

main baat karne lagaa thaa ki lafz gunge hue
lughat ke dasht mein kis ko sadaa lagaaungaa main