sunte hi ho ke ham-aaghosh kahaa hans ke tujhe — Maroof Dehlvi

dard-e-sar mein hai kise sandal lagaane kaa dimaagh
us kaa ghisnaa aur lagaanaa dard-e-sar ye bhi to hai

havaa ke ghoDe pe jab vo savaar hote hain
to paa ke vaqt main kyaa kyaa maze uDaataa huun

teri aankhon ke tasavvur mein hai sair-e-kaunain
varna ham log idhar ke idhar ho ke rahte

kaaba-o-dair ko apnaa to yahin se hai salaam
dar-ba-dar kaun phire yaar ke dar ke hote

ghaflat mein javaani gai piiri mein huaa hosh
kyuun kar na khule aankh sahar hi to hai aakhir

main ne aahein bharin to ruk ke kahaa
ghar mein dhuni si kyaa lagaa di hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

ranj-o-gham sahne ki aadat ho gai hai
zinda rahne ke saliqe de gayaa vo

rakhte hain dahaanon pe sadaa mohr-e-khamoshi
ve log jinhein aati hai guftaar-e-mohabbat

munis-e-taaza hain ye dard-o-alam
muddaton kaa rafiq hai gham to