ik umr ki mehnat kaa ye phal paaeinge ham log — Masroor Jalandhari

kyuun ham ko sunaate ho jahannam ke fasaane
is daur mein jiine ki sazaa kam to nahin hai

jo bhi chaaho nikaal lo matlab
khaamushi guftugu pe bhaari hai

hamaari aankhon mein be-vajh aa gae aansu
yaqin kiije kisi baat par nahin aae

shaayad aa jaae kisi vaqt lab-e-baam vo chaand
shaam se subah talak band daricha na kiyaa

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

phir usi bevafaa pe marte hain
phir vahi zindagi hamaari hai

umr bhar jis ke liye peT se baandhe patthar
ab vo gin gin ke khilaataa hai nivaale mujh ko

ai dost is zamaan-o-makaan ke azaab mein
dushman hai jo kisi ko duaa-e-hayaat de