hamaari aankhon mein be-vajh aa gae aansu — Masroor Jalandhari

kyuun ham ko sunaate ho jahannam ke fasaane
is daur mein jiine ki sazaa kam to nahin hai

jo bhi chaaho nikaal lo matlab
khaamushi guftugu pe bhaari hai

shaayad aa jaae kisi vaqt lab-e-baam vo chaand
shaam se subah talak band daricha na kiyaa

ik umr ki mehnat kaa ye phal paaeinge ham log
miTTi ki ridaa oDh ke so jaaeinge ham log

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

go kaThin hai tai karnaa umr kaa safar tanhaa
lauT kar na dekhungaa chal paDaa agar tanhaa

kyuun nahin letaa hamaari tu khabar ai be-khabar
kyaa tire aashiq hue the dard-o-gham khaane ko ham

jo aa rahi hai sadaa ghaur se suno us ko
ki is sadaa mein khudaa boltaa saa lagtaa hai