ye zindagi jise apnaa samajh rahe hain sab — Matin Niazi

aise khoe sahar ke divaane
lauT kar shaam tak na ghar aae

tufaan se bach ke Duubi hai kashti kahaan na puchh
saahil bhi e'tibaar ke qaabil nahin rahaa

gham-e-insaan ko siine se lagaa lo
ye khidmat bandagi se kam nahin hai

yahi aaina hai vo aaina jo liye hai jalva-e-aagahi
ye jo shaaeri kaa shuur hai ye payambari ki talaash hai

gham-e-maaal gham-e-zindagi gham-e-dauraan
hamaare ishq kaa charchaa kahaan kahaan na rahaa

agar duniyaa tujhe divaana kahti hai to kahne de
vafaadaaraan-e-ulfat par yahi ilzaam aataa hai

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

na bazm apni na apnaa saaqi na shisha apnaa na jaam apnaa
agar yahi hai nizaam-e-hasti to zindagi ko salaam apnaa

dekhiye ahd-e-vafaa achchhaa nahin
marnaa jiinaa saath kaa ho jaaegaa

zindagi tujh se ye gilaa hai mujhe
koi apnaa nahin milaa hai mujhe