dekhiye ahd-e-vafaa achchhaa nahin — Asad Bhopali

aise iqraar mein inkaar ke sau pahlu hain
vo to kahiye ki labon pe na tabassum aae

itnaa to bataa jaao khafaa hone se pahle
vo kyaa karein jo tum se khafaa ho nahin sakte

ai mauj-e-havaadis tujhe maalum nahin kyaa
ham ahl-e-mohabbat hain fanaa ho nahin sakte

na bazm apni na apnaa saaqi na shisha apnaa na jaam apnaa
agar yahi hai nizaam-e-hasti to zindagi ko salaam apnaa

haalaat ne kisi se judaa kar diyaa mujhe
ab zindagi se zindagi mahrum ho gai

ishq ko jab husn se nazrein milaanaa aa gayaa
khud-ba-khud ghabraa ke qadmon mein zamaana aa gayaa

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi se samjhautaa aaj ho gayaa kaise
roz roz to aise saanehe nahin hote

shaam Dhalne se faqat shaam nahin Dhalti hai
umr Dhal jaati hai jaldi palaT aanaa mire dost

aashuftagi azal se mire aab-o-gil mein hai
kul lazzat-e-hayaat gham-e-jaan-gusil mein hai