qatl-e-husain asl mein marg-e-yazid hai — Maulana Mohammad Ali Jauhar

vahi din hai hamaari iid kaa din
jo tiri yaad mein guzartaa hai

daur-e-hayaat aaegaa qaatil qazaa ke baad
hai ibtidaa hamaari tiri intihaa ke baad

tauhid to ye hai ki khudaa hashr mein kah de
ye banda zamaane se khafaa mere liye hai

na namaaz aati hai mujh ko na vazu aataa hai
sajda kar letaa huun jab saamne tu aataa hai

saari duniyaa ye samajhti hai ki saudaai hai
ab miraa hosh mein aanaa tiri rusvaai hai

shikva sayyaad kaa bejaa hai qafas mein bulbul
yaan tujhe aap tiraa tarz-e-fughaan laayaa hai

jiinaa taDap taDap kar marnaa sisak sisak kar
fariyaad ek ji hai kyaa kyaa kharaabiyon mein

kisi ke ek ishaare mein kis ko kyaa na milaa
bashar ko ziist mili maut ko bahaana milaa

jaan detaa huun magar aati nahin
maut ko bhi naaz-e-maashuqaana hai

kaise aa sakti hai aisi dil-nashin duniyaa ko maut
kaun kahtaa hai ki ye sab kuchh fanaa ho jaaegaa

vo agar aa na sake maut hi aai hoti
hijr mein koi to gham-khvaar hamaaraa hotaa

kaajal mehndi paan misi aur kanghi choTi mein har aan
kyaa kyaa rang banaavegi aur kyaa kyaa naqshe Dhaalegi