daur-e-hayaat aaegaa qaatil qazaa ke baad — Maulana Mohammad Ali Jauhar

vahi din hai hamaari iid kaa din
jo tiri yaad mein guzartaa hai

qatl-e-husain asl mein marg-e-yazid hai
islaam zinda hotaa hai har karbalaa ke baad

tauhid to ye hai ki khudaa hashr mein kah de
ye banda zamaane se khafaa mere liye hai

na namaaz aati hai mujh ko na vazu aataa hai
sajda kar letaa huun jab saamne tu aataa hai

saari duniyaa ye samajhti hai ki saudaai hai
ab miraa hosh mein aanaa tiri rusvaai hai

shikva sayyaad kaa bejaa hai qafas mein bulbul
yaan tujhe aap tiraa tarz-e-fughaan laayaa hai

kam-umri mein sunet hain
mar jaate hain achchhe log

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

bichhDe mujh se is tarah vo zindagi ke ham-safar
bujh gae hon jalte jalte jaise raste ke charaagh

zindagi se mujhe ye gila rah gayaa
ik hunar mere andar dabaa rah gayaa