vahi din hai hamaari iid kaa din — Maulana Mohammad Ali Jauhar

daur-e-hayaat aaegaa qaatil qazaa ke baad
hai ibtidaa hamaari tiri intihaa ke baad

qatl-e-husain asl mein marg-e-yazid hai
islaam zinda hotaa hai har karbalaa ke baad

tauhid to ye hai ki khudaa hashr mein kah de
ye banda zamaane se khafaa mere liye hai

na namaaz aati hai mujh ko na vazu aataa hai
sajda kar letaa huun jab saamne tu aataa hai

saari duniyaa ye samajhti hai ki saudaai hai
ab miraa hosh mein aanaa tiri rusvaai hai

shikva sayyaad kaa bejaa hai qafas mein bulbul
yaan tujhe aap tiraa tarz-e-fughaan laayaa hai

mere khvaabon ke jharokon ko sajaate rahiye
na sahi vasl magar yaad to aate rahiye

jiinaa taDap taDap kar marnaa sisak sisak kar
fariyaad ek ji hai kyaa kyaa kharaabiyon mein

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi

tafsil-e-inaayaat to ab yaad nahin hai
par pahli mulaaqaat ki shab yaad hai mujh ko