dil toD diyaa us ne ye kah ke nigaahon se — Meena Kumari Naz

ayaadat ko aae shifaa ho gai
miri ruuh tan se judaa ho gai

tere qadmon ki aahaT ko ye dil hai DhunDtaa har dam
har ik aavaaz par ik thartharaahaT hoti jaati hai

puchhte ho to suno kaise basar hoti hai
raat khairaat ki sadqe ki sahar hoti hai

shama huun phuul huun yaa ret pe qadmon kaa nishaan
aap ko haq hai mujhe jo bhi ji chaahe kah lein

aaghaaz to hotaa hai anjaam nahin hotaa
jab meri kahaani mein vo naam nahin hotaa

hansi thami hai in aankhon mein yuun nami ki tarah
chamak uThe hain andhere bhi raushni ki tarah

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

zulekhaa be-khirad aavaara lailaa bad-maza shirin
sabhi majbur hain dil se mohabbat aa hi jaati hai

zaalim tu meri saada-dili par to rahm kar
ruThaa thaa tujh se aap hi aur aap man gayaa

vahshat-e-dil koi shahron mein samaa sakti hai
kaash le jaae junun su-e-bayaabaan mujh ko

yuun tiri yaad mein din raat magan rahtaa huun
dil dhDaknaa tire qadmon ki sadaa lagtaa hai