zulekhaa be-khirad aavaara lailaa bad-maza shirin — Qalaq Merathi

naala kartaa huun log sunte hain
aap se meraa kuchh kalaam nahin

amn aur tere ahd mein zaalim
kis tarah khaak-e-rahguzar baiThe

har sang mein kaabe ke nihaan ishva-e-but hai
kyaa baani-e-islaam bhi ghaarat-gar-e-din thaa

ham us kuche mein uThne ke liye baiThe hain muddat se
magar kuchh kuchh sahaaraa hai abhi be-dast-o-paai kaa

be-takalluf maqaam-e-ulfat hai
daagh uTThe ki aabla baiThe

tu hai harjaai to apnaa bhi yahi taur sahi
tu nahin aur sahi aur nahin aur sahi

sabhi se jab mohabbat chaahte ho
mohabbat kyon nahin karte sabhi se

kisi se ishq apnaa kyaa chhupaaein
mohabbat Tapki paDti hai nazar se

husn jalva dikhaa gayaa apnaa
ishq baiThaa rahaa udaas kahin

dhokaa thaa nigaahon kaa magar khuub thaa dhokaa
mujh ko tiri nazron mein mohabbat nazar aai

dilkashi thi unsiyat thi yaa mohabbat yaa junun
sab maraahil tujh se jo mansub the achchhe lage

ishq sunte the jise ham vo yahi hai shaayad
khud-bakhud dil mein hai ik shakhs samaayaa jaataa