zakhm-e-talaash mein hai nihaan marham-e-dalil — Meer Ahmad Naved

mumkin nahin hai shaayad donon kaa saath rahnaa
teri khabar jab aai apni khabar gai hai

charaagh-haa-e-takalluf bujhaa diye gae hain
uThaao jaam ki parde uThaa diye gae hain

khud se guzre to qayaamat se guzar jaaeinge ham
yaani har haal ki haalat se guzar jaaeinge ham

pesh-e-zamin rahun ki pas-e-aasmaan rahun
rahtaa huun apne saath main chaahe jahaan rahun

ai khalish bol kyaa yahi hai khudaa
ye jo dil mein khalaa saa rahtaa hai

kuchh is tarah se kahaa mujh se baiThne ke liye
ki jaise bazm se us ne uThaa diyaa hai mujhe

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

idhar aa ham dikhaate hain ghazal kaa aaina tujh ko
ye kis ne kah diyaa gesu tire barham nahin pyaare

phir vahi ham the vahi tum the mohabbat the vahi
sulh kar lete agar aankhein laDaane ke liye

ai buto dar-parda tum se zaahidon ko bhi hai ishq
surat-e-tasbih pinhaan rakhte hain zunnaar ko

aa gayaa dil jo kahin aur hi surat hogi
log dekheinge tamaashaa jo mohabbat hogi