bas ai girya aankhein tiri kyaa nahin hain — Mir Taqi Mir

jab ki pahlu se yaar uThtaa hai
dard be-ikhtiyaar uThtaa hai

maarka garm to ho lene do khun-rezi kaa
pahle shamshir ke niche hamin jaa baiTheinge

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

dil ki yak qatra khuun nahin hai besh
ek aalam ke sar balaa laayaa

mire saliqe se meri nibhi mohabbat mein
tamaam umr main naakaamiyon se kaam liyaa

chalte ho to chaman ko chaliye kahte hain ki bahaaraan hai
paat hare hain phuul khile hain kam-kam baad-o-baaraan hai

aankhon mein meri subh-e-qayaamat gai jhamak
siine se us pari ke jo parda ulaT gayaa

aadmi ko ghaflat-e-duniyaa nahin deti najaat
subh jo chaunkaa huaa masruf isi saamaan mein

subh tak vo bhi na chhoDi tu ne ai baad-e-sabaa
yaadgaar-e-raunaq-e-mahfil thi parvaane ki khaak

nek guzre miri shab sidq-e-badan se tere
gham nahin raabta-e-subh jo kaazib Thahre

har khvaab shikasta hai taamir-e-nasheman kaa
har subh ke maathe par baazaar ki garmi hai

zindagi shama ki maanind jalaataa huun 'nadim'
bujh to jaaungaa magar subah to kar jaaungaa