nek guzre miri shab sidq-e-badan se tere — Abdul Ahad Saaz

bol the divaanon ke jin se hosh vaalon ne
soch ke dhundlakon mein apnaa raasta paayaa

laa se laa kaa safar thaa to phir kis liye
har kham-e-raah se jaan ulajhti rahi

nazar to aate hain kamron mein chalte-phirte magar
ye ghar ke log na jaane kahaan gae hue hain

shaaeri talab apni shaaeri ataa us ki
hausle se kam maangaa zarf se sivaa paayaa

muflisi bhuuk ko shahvat se milaa deti hai
gandumi lams mein hai zaaiqa-e-naan-e-javin

pas-manzar mein 'fēd' hue jaate hain insaani kirdaar
focus mein rafta rafta shaitaan ubhartaa aataa hai

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

shab-e-firaaq ki tanhaaiyon mein teraa khayaal
mire vajud se kartaa rahaa judaa mujh ko

vo kyaa gayaa ki har ik shakhs rah gayaa tanhaa
usi ke dam se thiin baaham rifaaqatein saari

kabhi karnaa ho andaaza jab apne dard kaa mujh ko
main us bedard ke dil ko dukhaa kar dekhaa letaa huun