mohabbat tu mat kar dil us bevafaa se — Taban Abdul Hai

dard-e-sar hai khumaar se mujh ko
jald le kar sharaab aa saaqi

ek bulbul bhi chaman mein na rahi ab ki fasal
zulm aisaa hi kiyaa tu ne ai sayyaad ki bas

jis kaa goraa rang ho vo raat ko khiltaa hai khuub
raushnaai shama ki phiki nazar aati hai subh

jab talak rahe jiitaa chaahiye hanse bole
aadmi ko chup rahnaa maut ki nishaani hai

aatish-e-ishq mein jo jal na marein
ishq ke fan mein vo anaari hain

kis kis tarah ki dil mein guzarti hain hasratein
hai vasl se ziyaada mazaa intizaar kaa

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

mohabbat phuul banne par lagi thi
palaT kar phir kali kar li hai main ne

kuchh aur vus'atein darkaar hain mohabbat ko
visaal-o-hijr pe daar-o-madaar mushkil hai

niind ke ghar mein hain khvaab aane lage
'ishq hai naachtaa aankh ke sahn mein

naqsh-e-qadam hain raah mein farhaad-o-qais ke
ai ishq khinch kar mujhe laayaa idhar kahaan