kaifiyyatein attaar ke launDe mein bahut thiin — Mir Taqi Mir

jab ki pahlu se yaar uThtaa hai
dard be-ikhtiyaar uThtaa hai

maarka garm to ho lene do khun-rezi kaa
pahle shamshir ke niche hamin jaa baiTheinge

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

dil ki yak qatra khuun nahin hai besh
ek aalam ke sar balaa laayaa

mire saliqe se meri nibhi mohabbat mein
tamaam umr main naakaamiyon se kaam liyaa

chalte ho to chaman ko chaliye kahte hain ki bahaaraan hai
paat hare hain phuul khile hain kam-kam baad-o-baaraan hai

mere khvaabon ke jharokon ko sajaate rahiye
na sahi vasl magar yaad to aate rahiye

zaraa yaadon ke hi patthar uchhaalo
navaah-e-jaan mein sannaaTe bahut hain

udaasi shaam tanhaai kasak yaadon ki bechaini
mujhe sab saunp kar suraj utar jaataa hai paani mein

jab bhi fursat mili hangaama-e-duniyaa se mujhe
meri tanhaai ko bas teraa pata yaad aayaa

garmi-e-ishq khilaa deti hai gaalon pe gulaab
yaad aate hain jo lamhaat gai raaton ke

aaj jab chaandni utri thi mire aangan mein
chaand kis lamha huaa mujh se khafaa yaad aayaa