umr guzri davaaein karte 'mir' — Mir Taqi Mir

jab ki pahlu se yaar uThtaa hai
dard be-ikhtiyaar uThtaa hai

maarka garm to ho lene do khun-rezi kaa
pahle shamshir ke niche hamin jaa baiTheinge

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

dil ki yak qatra khuun nahin hai besh
ek aalam ke sar balaa laayaa

mire saliqe se meri nibhi mohabbat mein
tamaam umr main naakaamiyon se kaam liyaa

chalte ho to chaman ko chaliye kahte hain ki bahaaraan hai
paat hare hain phuul khile hain kam-kam baad-o-baaraan hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

vo sang-dil angusht-ba-dandaan nazar aave
aisaa koi sadma miri jaan par nahin hotaa

main divaanaa huun sadaa kaa mujhe mat qaid karo
ji nikal jaaegaa zanjir ki jhankaar ke saath

deri se milne kaa jo gham tujh ko pareshaan kar rahaa
ai dost ham bhi hain usi taakhir ke maare hue

dhuup jaaDaa dard duniyaa bhuuk patthar pyaas aansu
jaane kis kis se milaa huun zindagi tere liye