mohabbat is liye zaahir nahin ki — Mirza Asman Jah Anjum

naqsh hoti jaati hain laakhon buton ki suratein
kyaa ye dil bhi khitta-e-hindostaan ho jaaegaa

teri marzi gar isi mein hai ki ho didaar-e-aam
ham ne aankhon par qadam saare zamaane ke liye

shab-e-furqat hai Thaharte nahin shoale dil mein
taara TuuTaa ki miri aankh se aansu TuuTaa

misaal-e-charkh rahaa aasmaan sar-gardaan
par aaj tak na khulaa ye ki justuju kyaa hai

dukhaataa hai miraa dil be alif re
huaa huun ranj se main ze alif re

bataa tu dil ke bachaane ki koi raah bhi hai
tiri nigaah ki naavak-fagan panaah bhi hai

sabhi se jab mohabbat chaahte ho
mohabbat kyon nahin karte sabhi se

kisi se ishq apnaa kyaa chhupaaein
mohabbat Tapki paDti hai nazar se

husn jalva dikhaa gayaa apnaa
ishq baiThaa rahaa udaas kahin

gharib shakhs ko miltaa nahin kisi bhi tarah
ye ishq ho gayaa sarkaari naukri ki tarah

shajar pe ishq ke pattaa haraa nahin utraa
miri kasauTi pe tu bhi kharaa nahin utraa

jaam-e-ishq pi chuke zindagi bhi ji chuke
ab 'hilaal' ghar chalo ab to shaam ho gai