allaah re zauq-e-dasht-navardi ki baad-e-marg — Mirza Ghalib

hasti ke mat fareb mein aa jaaiyo 'asad'
aalam tamaam halqa-e-daam-e-khayaal hai

sar paa-e-khum pe chaahiye hangaam-e-be-khudi
ru su-e-qibla vaqt-e-munaajaat chaahiye

phunkaa hai kis ne gosh-e-mohabbat mein ai khudaa
afsun-e-intizaar tamannaa kahein jise

dam liyaa thaa na qayaamat ne hanuz
phir tiraa vaqt-e-safar yaad aayaa

marte hain aarzu mein marne ki
maut aati hai par nahin aati

puchhte hain vo ki 'ghaalib' kaun hai
koi batlaao ki ham batlaaein kyaa

apni anaa ki aaj bhi taskin ham ne ki
ji bhar ke us ke husn ki tauhin ham ne ki

kyon tasavvur mein ji rahaa huun main
jab haqiqat mein mar hi jaanaa hai

maanaa ki bazm-e-husn ke aadaab hain bahut
jab dil pe ikhtiyaar na ho kyaa kare koi

be-piye vaaiz ko meri raae mein
masjid-e-jaama mein jaanaa hi na thaa

kahin dekhaa hai is haiat kaa maashuq
nazar kiijo muslimaanaan! khudaa-raa

har baat dil ki lab pe nahin laanaa laazmi
kuchh guftugu mein bhi adab aadaab chaahiye