maanaa ki bazm-e-husn ke aadaab hain bahut — Mirza Mohammad Hadi Aziz Lakhnavi

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

udaasi ab kisi kaa rang jamne hi nahin deti
kahaan tak phuul barsaae koi gor-e-gharibaan par

nazaa kaa vaqt hai baiThaa hai sirhaane koi
vaqt ab vo hai ki marnaa hamein manzur nahin

husn-e-aaraasta qudrat kaa atiyya hai magar
kyaa miraa ishq-e-jigar-soz khudaa-daad nahin

ab chaman mein bhi kisi surat se ji lagtaa nahin
haan magar jab tak qafas mein the qafas badnaam thaa

hamesha tinke hi chunte guzar gai apni
magar chaman mein kahin aashiyaan banaa na sake

jab ki pahlu se yaar uThtaa hai
dard be-ikhtiyaar uThtaa hai

yaaron ne meri raah mein divaar khinch kar
mashhur kar diyaa ki mujhe saaya chaahiye

ye chaar din ki rifaaqat bhi kam nahin ai dost
tamaam umr bhalaa kaun saath detaa hai

dushmanon ne jo dushmani ki hai
doston ne bhi kyaa kami ki hai

log Darte hain dushmani se tiri
ham tiri dosti se Darte hain

tumhein to naaz bahut doston pe thaa 'jaalib'
alag-thalag se ho kyaa baat ho gai pyaare