us but ko chhoD kar haram-o-dair par miTe — Mirza Maseeta Beg Muntahi

khud rahm kijiye dil-e-ummid-vaar par
aaphi nikaaliye koi surat nibaah ki

tere baazaar-e-dahr mein gardun
ham bhi aae hain ik qabaa ke liye

jalaa kar zaahidon ko mai-kashon ko shaad karte hain
giraa kar masjidon ko mai-kade aabaad karte hain

piiri hui shabaab se utraa jhaTak gayaa
shaaer huun meraa misra-e-saani laTak gayaa

baad marne ke Thikaane lag gai miTTi miri
khaak se aashiq ki kyaa kyaa yaar ke saaghar bane

tohmat-e-jurm-o-khataa hirs-o-havaa ghaflat-e-dil
ham ne baazaar se hasti ke liyaa kyaa kyaa kuchh

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

taa-umr apni fikr o riyaazat ke baavajud
khud ko kisi sazaa se bachaanaa muhaal hai

sochaa hai ki ab kaar-e-masihaa na kareinge
vo khuun bhi thukegaa to parvaa na kareinge

jaan kaa sarfa ho to ho lekin
sarf karne se ilm baDhtaa hai

kaanp uThti huun main ye soch ke tanhaai mein
mere chehre pe tiraa naam na paDh le koi