dard-e-dil kyaa bayaan karun 'rashki' — Mohammad Ali Khan Rashki

ghussa aataa hai pyaar aataa hai
ghair ke ghar se yaar aataa hai

vo jo sharmaa gae to un ki khataa
apne zimme hamein liye hi bani

ye mansab-e-buland milaa jis ko mil gayaa
har muddai ke vaaste daar-o-rasan kahaan

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

ik sadma-e-mohabbat ik sadma-e-judaai
ginti ke do hain lekin laakhon ki jaan par hain

ye saal tul-e-masaafat se chuur chuur gayaa
ye ek saal to guzraa hai ik sadi ki tarah

kisi ki yaad manaane mein iid guzregi
so shahr-e-dil mein bahut duur tak udaasi hai