vo jo sharmaa gae to un ki khataa — Mohammad Ali Khan Rashki

ghussa aataa hai pyaar aataa hai
ghair ke ghar se yaar aataa hai

ye mansab-e-buland milaa jis ko mil gayaa
har muddai ke vaaste daar-o-rasan kahaan

dard-e-dil kyaa bayaan karun 'rashki'
us ko kab e'tibaar aataa hai

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

ret par ik nishaan hai shaayad
ye hamaaraa makaan hai shaayad