ab to chup-chaap shaam aati hai — Mohammad Alvi

main us ke badan ki muqaddas kitaab
nihaayat aqidat se paDhtaa rahaa

kamre mein maze ki raushni ho
achchhi si koi kitaab dekhun

nayaa saal divaar par Taang de
puraane baras kaa calendar giraa

aur baazaar se kyaa le jaaun
pahli baarish kaa mazaa le jaaun

donon ke dil mein khauf thaa maidaan-e-jang mein
donon kaa khauf faasla thaa darmiyaan kaa

us se bichhaDte vaqt main royaa thaa khub-saa
ye baat yaad aai to pahron hansaa kiyaa

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

ghazal mein jab talak ehsaas ki shiddat na ho shaamil
faqat alfaaz ki kaarigari mahsus hoti hai

gul kiyaa jis ne vo thaa aur magar
shama ne shikva havaaon se kiyaa

maarka garm to ho lene do khun-rezi kaa
pahle shamshir ke niche hamin jaa baiTheinge

subh aataa huun yahaan aur shaam ho jaane ke baad
lauT jaataa huun main ghar naakaam ho jaane ke baad

kyaa kahun uubne lagaa huun 'jamaal'
ek hi jaise subh o shaam se main