us se bichhaDte vaqt main royaa thaa khub-saa — Mohammad Alvi

kamre mein maze ki raushni ho
achchhi si koi kitaab dekhun

nayaa saal divaar par Taang de
puraane baras kaa calendar giraa

aur baazaar se kyaa le jaaun
pahli baarish kaa mazaa le jaaun

donon ke dil mein khauf thaa maidaan-e-jang mein
donon kaa khauf faasla thaa darmiyaan kaa

bulaa rahaa thaa koi chikh chikh kar mujh ko
kuein mein jhaank ke dekhaa to main hi andar thaa

main us ke badan ki muqaddas kitaab
nihaayat aqidat se paDhtaa rahaa

mere khvaabon ke jharokon ko sajaate rahiye
na sahi vasl magar yaad to aate rahiye

un ki yaad mein bahte aansu khushk agar ho jaaeinge
saat samundar apni khaali aaankhon mein bhar laaungaa

us ke dar par to kisi ki bhi rasaai na hui
le ke sayyaad qafas ko jo idhar se guzraa

ro diye fariyaad par meri butaan-e-sang-dil
mere naalon se pighal kar mom patthar ho gae

hamin ne hashr uThaa rakkhaa hai bichhaDne par
vo jaan-e-jaan to pareshaan bhi ziyaada nahin

use to daulat-e-duniyaa bhi kam bhi paane ko
miri to zaat kaa mizaan bhi ziyaada nahin