saunp kar khaana-e-dil gham ko kidhar jaate ho — Zain

dam kaa aanaa to baDi baat hai lab par 'aarif'
zoaf ne harf-e-shikaayat kabhi aane na diyaa

tum apni zulf se puchho miri pareshaani
ki haal us ko hai maalum hu-ba-hu meraa

vo parda-nashini ki riaayat hai tumhaari
ham baat bhi khalvat se nikalne nahin dete

furqat mein kaar-e-vasl liyaa vaah vaah se
har aah-e-dil ke saath ik armaan nikal gayaa

na aae saamne mere agar nahin aataa
mujhe to us ke sivaa kuchh nazar nahin aataa

tumhaari rah kaa rahaa ham ko har taraf dhokaa
chale jidhar ko so be-ikhtiyaar ho ke chale

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

zabt-e-raaz-e-gham pe sau jaanein bhi kar dete nisaar
kyaa bataaein bas zabaan par un kaa naam aa hi gayaa

zakhmon ko phuul kar de tanhaaiyon ko marham
sau qurbaton pe bhaari hijrat kaa ek mausam

dushman-e-jaan hi sahi saath to ik umr kaa hai
dil se ab dard ki rukhsat nahin dekhi jaati