umangon par hai ab un ki javaani — Mohammad Naazir Ali Naazir

hai ye taakid ki ham ko na sataae koi
kaise phir un ko kaleje se lagaae koi

sharar-e-naala-e-bulbul se lagi un mein aag
jo shajar baagh mein the phulne phalne vaale

asiraan-e-qafas par zulm to sayyaad karte hain
ki un ke par katar lete hain tab aazaad karte hain

khudaa ki shaan ki ham ko uThaa ke mahfil se
raqib baiThe hain zaanu tiraa dabaae hue

kucha-e-yaar mein jaane ki kabhi khu na gai
Thokarein khaa ke bhi sambhle na sambhalne vaale

koi us but saa zamaane mein nahin
yuun to dekhe hain trahdaar bahut

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

be-dar-o-divaar saa ik ghar banaayaa chaahiye
koi ham-saaya na ho aur paasbaan koi na ho

tamaam din ki talab raah dekhti hogi
jo khaali haath chale ho to ghar nahin jaanaa

us husn kaa sheva hai jab ishq nazar aae
parde mein chale jaanaa sharmaae hue rahnaa