sharar-e-naala-e-bulbul se lagi un mein aag — Mohammad Naazir Ali Naazir

hai ye taakid ki ham ko na sataae koi
kaise phir un ko kaleje se lagaae koi

asiraan-e-qafas par zulm to sayyaad karte hain
ki un ke par katar lete hain tab aazaad karte hain

khudaa ki shaan ki ham ko uThaa ke mahfil se
raqib baiThe hain zaanu tiraa dabaae hue

kucha-e-yaar mein jaane ki kabhi khu na gai
Thokarein khaa ke bhi sambhle na sambhalne vaale

umangon par hai ab un ki javaani
khush aae kyuun na itraanaa kisi kaa

koi us but saa zamaane mein nahin
yuun to dekhe hain trahdaar bahut

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

sayyaad teraa ghar mujhe jannat sahi magar
jannat se bhi sivaa mujhe raahat chaman mein thi

gul kiyaa jis ne vo thaa aur magar
shama ne shikva havaaon se kiyaa

gulaabon ke honTon pe lab rakh rahaa huun
use der tak sochnaa chaahtaa huun

kahaan milegi misaal meri sitamgari ki
ki main gulaabon ke zakhm kaanTon se si rahaa huun

ai sanam tu vo kanhayyaa hai balaaein luun agar
baansuli ki tarah naalaan hon saraapaa ungliyaan