jab tumhaari aarzu baaqi nahin — Mohammad Tanviruzzaman

sach bataa ishq mujhe sakht pareshaan huun main
kyuun khafaa hotaa nahin dost khataa par meri

main baDaa ho gayaa huun magar bachpanaa
mere dil se kabhi bhi gayaa hi nahin

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

na ho ehsaas to saaraa jahaan hai be-his-o-murda
gudaaz-e-dil ho to dukhti ragein milti hain patthar mein

'saif' andaaz-e-bayaan rang badal detaa hai
varna duniyaa mein koi baat nai baat nahin

pahchaan jin se thi vo havaale miTaa diye
us ne kitaab-e-zaat kaa safha badal diyaa